آخر يوم في المدرسة

.. شلونكم ؟..إن شاء الله تكونون بخير

.. هذا أول بلوق لي وإن شاء الله يعيبكم

.. بصراحة انا من فترة ربيعتي دلتني على هالموقع وقمت تقريبا كل يوم أدخل عسب اقرى بعض البلوقات

وكنت ناوية أسوي لي بلوق بس بما إن كانت عندنا إمتحانات في الفترة اللي طافت

:) .. وأنا بنت علمي يعني كان لازم أشد حيلي واذاكر عسب أييب نسبة حلوة في الشهادة

.. >.< بس بصراااااااااحة امتحاناتنا هالسنة كانت ولا أروع يعني كل إمتحان أصعب عن الثاني وشكلهم ناوين يرسبونا

.. ماعدا إمتحان الأحياء والدين كانوا أوكي .. اما بالنسبة للباقي فالله يستر من الدرجة

:0 .. بس والله صدق يقهرون يعني نحن نذاكر ونحفظ الكتاب من الخاطر وآخر شي ما اييبون من الكتاب

!!.. ويحطون لنا نص الامتحانات اسئلة استنتاجية

.. واذا قلنا شي قالوا والله انتوا علمي ولازم تتحملون صج يقهرون

.. ما بعور راسكم أكثر أهم شي الحين إن الإمتحانات خلااااااااااااااااااااااااااااص خلصت البارحة

.. وان شاء الله راح نستانس بالإجازة ولو انها قصير ( بس 15 يوم ) بس ما عليه أحسن من ولا شي

..*_* اليوم انا وربيعاتي عقب امتحان الدين تخبلنا خلاص طفرنا طول السنة ونحن نكرف ملينا

..^~^ قمنا نلعب في الساحة ونطوف صوب الصفوف ومسوين حشرة وكل شوي يايتنه المشرفة ولا الوكيلة عسب يهزبونا

!!^_^ ... بس خلاص ما يرومون يسوووون شي لأن اليوم كان آخر يوم

.. صح اني مستانسة لأني خلاص ماراح أنش كل يوم الساعة سبع ونص عسب اتلبس حق المدرسة

.. ولا راح أجابل الأبلوات كل يوم من الساعة ثمان وربع لين الساعة 2 ونص

.. بس فنفس الوقت زعلانة لأني ماراح أشوف نونه وسوما وعهودي وموني وعلاية وهدى وزوزو وربيعاتي الباجيات

.. ولو أني كل يوم راح أرمسهم واعرف أخبارهم وأشوفهم ساعات فالويك إند بس بعد والله بتوله على المدرسة

.. المهم إن شاء تكون الاجازة حلوة ونستانس كلنا فيها