يومي الثاني فالمدرسة

السلام عليكم

اليوم نشيت الساعة 6 ونص والفضل يعود لأختي اللي أتصلت عسب تقولي شفتي المطر ؟؟

والله أنقهرت منها يعني أنا وحليلي يالله يالله راقدة الساعة 2 وابغي انش الساعة 7 يدوب البس واجهز واخلص واروح المدرسة

ناس ما تحس

المهم تميت راقدة على سريري تقريبا جي نص ساعة لأن الجو كان واااايد بارد

بعدين تذكرت أني قايلة للبشاكير ما يكون مريولي وقميصي على أساس اني انا اونه بكويهم

بس للأسف نسيت الموضوع وما اذكرته الا الساعة 7 ونص *_*

المهم كويت ثيابي عالسريع ولبست وبسرعة بسرعة مشطت شعري ويدوب الساعة 8 وربع ظهرت من البيت

وطبعا نسيت جاكيتي وهنااااااااك مت من البرد وحليلي

الحصة الأولى كان علينا أحيا بس الأبلة غايبة فدرسنا حاسوب

تبون الصراحة ما درسنا سرنا مختبر الحاسوب والأبلة هناك يلست تلعنا وقوف وجلوس عسب ندفى شوي

وأنا وحليلي تقريبا كنت 4 وحدة تظهر من اللعبة

المهم عقب كان علينا عربي وخذنا درس الرسالة الرسمية والحصة كانت أوكي ووناسة

الفسحة كانت أحلى شي في المدرسة اليوم واستانست فيها واااااااايد

يلست ويا عهودي ربعتي اللي من خلصت المدرسة ما شفتها ولا مرة مع انها اقرب وحدة لي من بنات الصف

بإختصار هي my best friend

وحضرتها اليوم كان أول يوم تداوم فيه

ولولا أني البارحة اتصلت فيها وعصبت عليها كنت ما بداوم بعد

عقب الفسحة كانت الحصة الثالثة وكان علينا انجليزي

صح اني أحب تيجر واااااايد بس بعد حصصها ساعات تكون مملة بدرجة فضيعة

المهم وأنا طول الحصة يلست أتثاوب

والله يدوب اقدر افتح عيني

ومن دق الجرس ما صدقت خلصت الحصة وحطيت راسي عالدرج

ويا فرحة ما تمت دقيقتين إلا واشوف ابلة الفيزيا فوق راسي :(

ولما خلصت الحصة وطلعت ابلة الفيزيا

اللي ما خلت وااااااجب ما عطتنا اياه شكلي كان

وبدت الفسحة الثانية بعد الحصة الرابعة

اول شي تميت يالسة فالصف عسب ادفى بس بعدين ظهرت ويا ربيعاتي ويلسنا صوب الكراسي اللي حذال المقصف

وربيعاتنا اللي فالأدبي بعد يو يلسو ويانا " نونا و زوزو وزوما ^_^ "

الحصة الخيرة كنا فاضين ولعبنا لعبت جرأة وصراحة

والحمدلله محد سألني أسئلة محرجة

باختصار اليوم كااااااااااان عادي يعني حلو ومو حلو

بس اللي ضايقني ان وحده من ربيعاتي كانت غايبة وبس :(

عالعموم أنا الحين بسير أحل واااجب الفيزيا اللي ما فهمت منه شي

وبحضر لباجر عسب جذا اقولكم بااااااااااااااااااي