إلى الجمعية :)

السلام عليكم

اليوم الصبح يعني تقريباً عالساعة 10ونص رحت الجمعية مع أمي

المهم وانا هناك مريت صوب الشوربات فأشتريت جي تقريباً خمس أنواع لأني قررت أتعلم الطبخ وطبعاً أسهل شي ممكن إني أسويه الشوربة:)

لحد الحين ما جربت ولا وحدة منهم بس ان شاء الله بجربهم خلال هالأسبوع وبخبركم عنهم ؛)

وطبعاً يوم اسير الجمعية لازم آخذ لي حلويات وهالسوالف

بس هالمرة ما عرف شو استوى فيني ما خذت لي واااااايد شرات العادة

يدوب خذت لي شبس و M&M وشوية خرابيط :q

ما بطول واااااااايد أخليكم مع الصور الباقية ..

ان شاء الله الصور تكون عيبتكم

واحين اسمحولي لأني مريضة فيني زجام ><

والله مو ما أحب الزجام ..

حتى الحمى أحبها أكثر منه

عالعموم أدعولي أخف لان باجر بنروح العين

ويوم أكون مريضة مووووووول ما أستانس ..

وكل عام وانتوا بخير بمناسبة السنة الهجرية اليديدة ولو اني متأخرة بس ما عليه :)