سوالف

السلام عليكم

صارت لي فترة ما دخلت فيها البلوق ولا كتبت بوست يديد

بس والله مو بايدي انشغلت بالامتحانات والمشاريع والبحوث وغيرها من شغلات المدرسة اللي ما تخلص

من يومين كنت مودية الكام مالي عسب اصور مشروع الأحياء

بس صورت بعد صور عيبتني شوي قلت أحطه لكم

( 2 )

الأثنين أتصلت فسوما ربيعتي وأول ما أتصلت حسيت صوتها متغير...

استغربت لأن سوما دومها مفرفشة وخبلة

المهم عقب دقيقة عرفت السبب

مشمش ماااااات

بصراحة زعلت يوم قالت لي لأني وااااايد كنت أحب مشمش ودوم أسأل عنه..

ومشمش هذا الله يسلمكم سلحفاة صغيرة وشكله كان سو كيوت

وحليلها من أسبوع تقريباً مكمل عندها 4 سنوات والحين مات






( 3 )

يوم الثلاثاء أنا وربيعتي تزاعلنا والله أحس عمري مضايجة لهالسبب

وحاولت كذا مرة أرمسها خلال يوم الأربعا والخميس بس مو قادرة

مع انها يالسة حذالي بس الحين صار لنا يومين ما سلمنا ولا رمسنا فيهم بعض

مو عارفة كيف أبدى خايفة اروح اسلم وهي ما ترد علي السلام

بليز ساعدوني ابغي طريقة ارمسها فيها

لأني بصراحة وااااااايد أعز ربيعتي هاي بس هي ساعات تقهرني وانا من النوع اللي بسرعة يعصب

ولما أعصب أقول أي شي يخطر على بالي بدون تفكير >.<

Have a nice weekend